SAKİNLƏR S EVİNƏCƏKLƏR

Şəhərimizdə 18 ədəd çoxmənzilli yaşayış binasında təmir işləri aparılır. Yaxın günlərdə daha 24 belə binada təmirə başlanılacaq. Sakinlər görülən işlərdən razılıq edirlər.

Yay tətili günlərində şəhər 6 saylı tam orta və Qazyan kənd ümumi orta məktəblərdə təmir işlərinə başlanılıb. Vaxtdan səmərəli istifadə etməklə, bu işləri yeni dərs ili başlananadək başa çatdırmaq nəzərdə tutulub.

Tərtərin küçə və meydanları günü-gündən abad-laşır. Bu işdə yolçəkənlərin də xüsusi zəhməti var. Hazırda şəhərin Mehdi Hüseynzadə küçəsinə asfalt örtük salınır. M.F. Axundov və onun kiçik qolu olan Zeynəb Əhmədova küçələri də asfaltlanacaq.

Qaçqınların və Məcburi Köçkünlərin İşləri üzrə Dövlət Komitəsinin xətti ilə rayonun Şıxarx qəsəbəsində yerləşən “Marağa – 150” abidəsinin ətrafı abadlaşdırılır.
Məqsəd ölkəmizə gələn xarici qonaqlara erməni saxtakarlığını əyani surətdə sübut etməkdir.

İsti yay günlərində Tərtər-Goranboy yolunda əsaslı təmir işləri davam etdirilir. Bu işi 42 saylı yol istismar idarəsinin kollektivi yerinə yetirir. Yolun rahat olması diqqət mərkəzində saxlanılır.

“Yeni Tərtər”

26 iyun – Silahlı Qüvvələr Günü münasibətilə Tərtər rayonunda yerləşən hərbi hissələrdə rayon icra hakimiyyətinin təşkilatçılığı ilə bayram tədbirləri keçirildi.
Tədbirlərdə rayon icra hakimiyyətinin başçısı Müstəqim Məmmədov, hüquq-mühafizə orqanlarının rəhbərləri, keçmiş döyüşçülər, Qarabağ Regional Bilik evinin, rayon ictimaiyyətinin nümayəndələri iştirak etdilər.
Əvvəlcə hərbi hissələrin şəxsi heyətlə iş üzrə komandir müavinləri Azərbaycan Respublikasının Müdafiə Naziri general–polkovnik Zakir Həsənovun təbrik məktubunu oxudular. Sonra hərbi hissələrin şəxsi heyəti qarşısında çıxış edən rayon icra hakimiyyətinin başçısı Müstəqim Məmmədov əsgər və zabitləri təbrik etdi, çətin və şərəfli işlərində onlara uğurlar arzuladı. Bildirdi ki, ordu quruculuğu sahəsində dövlət siyasətinin nəticəsi olaraq son illərdə Silahlı Qüvvələrimiz bütün qoşun növləri üzrə inkişaf edərək möhkəmlənmiş, ordumuzun maddi-texniki bazası gücləndirilmiş və döyüş qabiliyyəti artmışdır. Daha ətraflı »

“VƏTƏN NAMİNƏ” MEDALI VƏTƏNİ CANINDAN ARTIQ SEVƏN İNSANA TƏQDİM OLUNDU

Bu insan Umudlu kənd tam orta məktəbinin direktoru Zabil Zeynalovdur. Uzun illər Vətəninin hər daşının, hər ağacının, cığırının həsrəti ilə yaşayan Zabil müəllimin həyatda yeganə təsəllisi var: doğma Umudlunun düşmənlərdən müdafiəsində o, əlindən gələni əsirgəməyib, son məqamadək vuruşub. Lakin, görünür, məcburi köçkünlük həyatı onun alın yazısıymış və bu qismətdən qaçmaq mümkün olmayıb…
Zabil Zeynalov 1988-ci ildən 1992-ci ilədək–münaqişə başlayandan Umudlu düşmən əlinə keçən günədək kənd özünümüdafiə dəstəsinin komandiri olub. Həmin illər ərzində, özünün kiçik dəstəsilə gecə-gündüz yatmayıb, dörd tərəfdən ermənilərin əhatəsində olan canından artıq sevdiyi Umudlunu göz bəbəyi kimi qoruyub. Bu məqsədlə bütün vasitələrdən istifadə edərək döyüşçülərinə silah-sursat alıb gətirib. Zabil müəllim o zaman Tərtər Elek-tromexanika Zavodunun direktoru işləyən Rauf Həsənzadənin onlara dörd ədəd minomyot verdiyini indi də sonsuz minnətdarlıq hissi ilə xatırlayır. Daha ətraflı »

QƏZET ÜZƏRİNƏ DÜŞƏN VƏZİFƏNİ YERİNƏ YETİRİR

Qəzetimizin kollektivi cari ilin birinci yarısında görülən işləri müzakirə edib. Bu barədə qəzetin baş redaktoru Tofiq Yusif danışıb. O bildirib ki, birinci yarımillikdə nəzərdə tutulan 18 nömrə qəzet vaxtlı-vaxtında və keyfiyyətlə çap olunaraq “Yeni Tərtər”in oxucularına çatdırılıb. Bu müddətdə iş planında nəzərdə tutulan bütün movzular əhatə olunub.
“Yeni Tərtər”in elektron variantının izləyicilərinin sayı artıb. İndi onu 20-dən çox xarici ölkədə izləyir və rayonumuz haqqında məlumat alırlar.
Milli Mətbuat və Jurnalistika Günü ərəfəsində həmçinin Tərtər rayon qəzetinin keçdiyi şərəfli yol haqqında danışılıb. Qeyd olunub ki, maddi çətinliklər ucbatından 7 il susmağa məcbur olan bu mətbu orqan 2005-ci ildə Azərbaycan Mətbuat Şurasının köməkliyi və rayon rəhbərliyinin qayğısı ilə yenidən işıq üzü gördü. “Yeni Tərtər”ə yeni həyat verən kollektiv bu gün də eyni həvəslə çalışır. Daha ətraflı »

Mərkəzi meydanda rayon icra hakimiyyəti Səfərbərlik və Hərbi Xidmətə Çağırış üzrə Dövlət Xidmətinin rayon şöbəsi ilə birlikdə çağırışçı gənclərin hərbi xidmətə yolasalma mərasimini keçirib.
Gənclər əvvəlcə Heydər Əliyev Məzkəzində Ulu Öndərin həyat və fəaliyyəti ilə tanış olub, sonra onun abidəsini ziyarət ediblər.
Mərasim elə mərkəzi meydanda davam etdirilib.
Tədbiri giriş sözü ilə Səfərbərlik və Hərbi Xidmətə Çağırış üzrə Dövlət Xidməti rayon şöbəsinin rəisi polkovnik–leytenant Ruslan Quliyev açıb. O, əsgəri xidmətə yola salınan 83 gənci və onların valideynlərini təbrik edib, onlara xidmətdə uğurlar arzulayıb. Daha ətraflı »

Köçərli kəndində “Dördyol” adlanan ərazidə müasir tələblərə cavab verən yanacaqdoldurma məntəqəsi istifadəyə verildi. Bu münasibətlə keçirilən tədbirdə rayon ictimaiyyətinin nümayəndələri və kənd sakinləri iştirak etdilər.
Tədbiri Köçərli kənd İƏD üzrə icra nümayəndəsinin müavini Cahangir Məmmədov açdı. Rayon icra hakimiyyətinin başçısı Müstəqim Məmmədov cəbhə bölgəsi olan Tərtərdə görülən işlərdən, ölkə başçısının tərtərlilərə göstərdiyi qayğıdan, sahibkarlara yaradılan şəraitdən danışdı.
Yanacaqdoldurma məntəqəsinin sahibi Məhəmməd Səfərov ölkəmizdə sahibkarlara yaradılan münbit şəraitə görə Prezident İlham Əliyevə minnətdarlığını bildirdi. Qeyd etdi ki, yanacaqdoldurma məntəqəsində quraşdırılan avadanlıqların hamısı qardaş Türkiyənin istehsalıdır. Burada 30 nəfər gənc daimi iş yeri ilə təmin ediləcəkdir. Daha ətraflı »

ŞƏHİDİN ÖMRÜ KİMİ YAS MƏRASİMİ DƏ YARIMÇIQ QALDI

23 iyul 1993-cü ildə birinci Qarabağ müharibəsinin ən genişmiqyaslı əməliyyatlarından biri baş verib. 1993-cü ilin iyun-iyul aylarında Gəncə və Bakıda baş verən hadisələr ermənilərə Qarabağ cəbhəsində hücum əməliyyatlarını genişləndirmək imkanı verir. Ağdam üzərinə edilən birinci hücum nəticəsiz qaldıqdan sonra ermənilər qüvvəni Ağdərə istiqamətində cəmləşdirir. İyunun 26-da Ağdərə düşmən əlinə keçir. Bunun ardınca ermənilərin iki korpusu Ağdam istiqamətində əməliyyata başlayır. Minlərlə sayı olan erməni ordusuna qarşı əsasən könüllülərdən ibarət və düşməndən sayca az olan Azərbaycanın Milli Ordusu dururdu. 42 gün davam edən döyüş Ağdamın işğalı ilə sona çatır.
Amerikanın Azərbaycandakı keçmiş səfiri Metyu Brayza ATƏT-in Minsk qrupunun həmsədri olduğu dövrdə işğal altında olan Ağdamı görərək dəhşətə gəldiyini deyir: “Ağdamda gördüklərim məni dəhşətə gətirdi. Böyük bir şəhər xarabazarlığa çevrilmişdi. Mən polyakam. Ağdamın işğalı mənə İkinci Dünya müharibəsində Varşavanın düşdüyü günü xatırlatdı. Faşistlər Varşavanı darmadağın etmişdilər”. Daha ətraflı »