2018-ci il yanvarın 1-i vəziyyətinə Hacıqərvənd kəndinin əhalisi 2908 nəfər təşkil edir. Burada 700 təsərrüfat, 550 ev var. Müstəqillik illəri hacıqərvəndlilərin də həyatını tamamilə dəyişib. Əvvəlki palçıqlı küçələr, işıqsız evlər, susuz həyətlər yoxdur. Telefonla danışmaq üçün rayon mərkəzinə getmək lazım deyil. Mobil telefonlardan əlavə, kənddə 275 nömrəlik EATS fəaliyyət göstərir. 96 evə internet xətti çəkilib. 2010-cu ildə isə yeni poçt binası istifadəyə verilib.
Kənd icra nümayəndəsinin müavini Vaqif Aslanov deyir:
–Son vaxtlara qədər əhalini narahat edən problemlərdən biri mavi yanacağın olmaması idi. Dövlət başçısının diqqət və qayğısı nəticəsində və rayon rəhbərliyinin yaxından köməkliyi ilə bu məsələ də həllini tapdı. Kəndin yarısında köhnə elektrik xətləri və dirəkləri dəyişdirilib, qalan hissəsinin də dəyişdirilməsi nəzərdə tutulub. Ümumiyyətlə, əhalini narahat edən hər bir məsələ diqqət mərkəzində saxlanılır və onlar qısa müddətdə həllini tapır.

Cari təsərrüfat ilində digər sahələrlə yanaşı Hacıqərvənd kəndində pambıq əkini də diqqət mərkəzində saxlanılıb. Əvvəlki illərdən fərqli olaraq 25 hektar sahədə bu qiymətli texniki bitki əkilib. 8 hektarda pambıq becərən Kəmaləddin Heydərov deyir:
– Mən ixtisasca mühəndis – mexanikəm. Əvvəlki dövrdə kəndin maşın-traktor parkında işləyirdim, maşınla məhsul yığımını təşkil edirdim. Kolxozumuzun adı həmişə qabaqcıllar sırasında çəkilirdi. Camaat pambıqdan əldə etdiyi qazanc hesabına yaxşı dolanırdı. Tədricən bu sahə gəlir gətirmədiyinə və suvarmada çətinliklər yarandığına görə unuduldu. Prezident İlham Əliyevin pambıqçılığın inkişaf etdirilməsi istiqamətində həyata keçirdiyi tədbirlər sanki bizi keçmiş illərə qaytardı. Daha ətraflı »

Hacıqərvənddə son illər kiçik fermerlərlə yanaşı, iri fermerlər də fəaliyyət göstərir. Bunlardan biri də Asəf Mehdiyevdir. Hacıqərvənd Bələdiyyəsinin sədri Kəmaləddin Heydərovdan öyrəndik ki, Asəf öhdəsində olan 120 hektar sahədə əsasən taxıl, günəbaxan əkir. Xurma və ərik bağı da var. Həmçinin qoyunçuluqla məşğuldur.
Biz kənddə olarkən fermerin özü ilə görüşüb söhbət etdik. O dedi:
– Prezident İlham Əliyevin taxılçılıqla məşğul olan fermerlərin qarşısına qoyduğu vəzifələrdən biri bu sahənin məhsuldarlığının artırılmasıdır. Bunun üçün iri fermer təsərrüfatlarında tətbiq olunan texnoloji proseslər yayılmalıdır, başqaları tərəfindən də öyrənilməlidir. Ölkə başçısının dediyi kimi, “belə olan halda biz mövcud əkin sahəsindən daha çox məhsul yığa bilərik”. Daha ətraflı »

Bu kənddə Mehdi və Səyyad Nəbiyevlərin maldarlıq təsərrüfatında da olduq. Əvvəlcə qeyd edək ki, onların həyətində ilk rastlaşdığımız mənzərə gözəl güllər idi. Bu güllüyü və hər yandakı səliqə-sahmanı görəndə inanmaq olmur ki, ev sahibləri elə burada, həyətdə iri-buynuzlu mal-qaranın kökəldilməsi ilə məşğuldurlar.
Eyni səliqə-sahman təsərrüfat həyətində də vardı. Qışa kifayət qədər ot və yem tədarük olunmuşdu. Onu da qeyd edək ki, ailənin kiçik yemüyüdən sexi var. Həm özləri, həm də kənd sakinləri bu sexdən istifadə edərək, yemləmədə israfçılığın qarşısını alırlar. Mehdi Nəbiyev dedi:
–Hər bir işin çətinliyi var. Maldarlıq da asan peşə deyil. Xüsusən də kökəltmə zamanı ikiqat məsuliyyətli olmalısan. Biz çalışırıq hər bir işi vaxtında görək ki, əlimiz boşda qalmasın. Şükür Allaha, həm özü-müz dolanırıq, həm də əhaliyə keyfiyyətli ət məhsulu satırıq.

Azərbaycan 2018-ci ildə də öz dinamik inkişafını təmin etmişdir və ölkəmiz əmin-amanlıq, sabitlik, təhlükəsizlik şəraitində yaşamışdır.

İlham ƏLİYEV,
Azərbaycan Respublikasının Prezidenti

İCRA BAŞÇISI HESABAT VERDİ

Tərtər rayonunda 2018-ci ilin doqquz ayında 24 milyon 966,6 min manatlıq tikinti-quraşdırma işləri aparılıb, 2 milyont 726,4 min manat dəyərində əsas fondlar istifadəyə verilib.
Bu barədə Tərtər rayonunda 2018-ci ilin doqquz ayının yekunlarına həsr olunan hesabat yığıncağında məlumat verilib. Rayon icra hakimiyyətinin başçısı Müstəqim Məmmədovun məru-zəsində bildirilib ki, ilin doqquz ayında rayonun sosial-iqtisadi inkişafının sürətləndirilməsi, iqtisadiyyatın daha da möhkəmləndirilməsi, infrastrukturun inkişaf etdirilməsi, sahibkarlığın dəs-təklənməsi, əhalinin sosial-iqtisadi problemlərinin həlli və yaşayış məntəqələrinin abadlaşdırılması istiqamətlərində tədbirlər uğurla davam etdirilib. Daha ətraflı »

Ulu Öndər “Bir millət, iki dövlət” demişdir. Türkiyə-Azərbaycan dostluğu qədim köklərə dayanır. Zaman-zaman mənfur düşmənlər bu dostluğu pozmağa, nifaq salmağa çalışsalar da, eyni köklü, eyni mədəniyyətli iki qardaş dövləti bir-birindən ayırmağa nail ola bilmədilər. Bu dostluq 1918-ci ildə qurulan Şərqin ilk demokratik respublikası olan AXC dövründə daha da möhkəmləndirildi. Belə ki, AXC-nin müstəqilliyini ilk ta-nıyan dövlət Osmanlı oldu. Osmanlı dövləti ilə AXC arasında 1918-ci il iyun ayının 4-də Batumda “Sülh və dostluq” haqqında müqavilə imzalandı.
Müqaviləni Osmanlı tərəfindən Ədliyyə naziri Xəlil paşa Menteşe, AXC tərəfindən Milli Şuranın sədri M.Ə. Rəsulzadə və Xarici İşlər naziri M. Hacınski imzaladlar. Daha ətraflı »

Tərtər Rayon İcra Hakimiyyəti Başçısının növbəti səyyar qəbul-görüşü Sarov kəndində oldu.
Qəbulda Prezident Administrasiyasının məsul işçisi Arif Novruzov, rayon icra hakimiyyətinin, hüquq-mühafizə orqanlarının, səhiyyə, təhsil, mədəniyyət və digər xidmət təşkilatlarının təmsilçiləri, ərazi icra nümayəndələri, bələdiyyə sədrləri, həmçinin kənd sakinləri iştirak ediblər.
Əvvəlcə Sarov kənd İƏD üzrə nümayəndə İnqilab Hətəmov görülən işlər və qarşıda duran vəzifələr barədə məlumat verdi.
Sonra vətəndaşların müraciətləri dinlənildi. Sakinlərdən Mayıl Aslanov, Nadir Şirinov, Rüfət İsmayılov, Tofiq Quliyev və Günay İmanova müxtəlif məsələlər barədə müraciətlər etdilər.
Bunlarla bağlı icra başçısı tərəfindən əlaqədar qurumlara tapşırıqlar verildi. Daha ətraflı »

Tərtər rayonunun Rəcəbli, Kovdadıq, Bildirçinli və Umudlu kəndlərinə təbii qaz verilib. Bununla da rayonun bütün yaşayış məntəqələrinin qazlaşdırılması başa çatdırılıb.
Təbii qazın verilməsi münasibətilə Kovdadıq kəndində keçirilən tədbirdə Tərtər Ra-yon İcra Hakimiyyətinin baş-çısı Müstəqim Məmmədov, Prezident Administrasiyasının məsul işçisi Arif Novruzov, “Azəriqaz” İstehsalat Birliyi-nin təmsilçiləri, ictimaiyyət nümayəndələri və kənd sakinləri iştirak ediblər.
Rayon icra hakimiyyətinin başçısı Müstəqim Məmmədov yaşayış məntəqələrinə təbii qazın verilməsi münasibətilə sakinləri təbrik edib. Dövlət başçısının ölkənin qazlaşdırılması proqramının icrasını daim diqqətdə saxladığını bildirib. Daha ətraflı »

Yeni Azərbaycan Partiyası Tərtər Rayon Təşkilatının inzibati binasında Azərbaycan Respublikası Prezidenti yanında Bilik Fondunun lektorlar qrupunun üzvü, Rusiyanın tanınmış tarixçisi, siyasi xadim Oleq Kuznetsovun “Erməni millətçiliyi və alman nasizmi arasında ideoloji bağlantı” mövzusunda mühazirəsi dinlənilib.
Tədbirdən öncə Oleq Kuznetsov və Bilik Fondunun nümayəndələri ermənilərin Qarabağ bölgəsinə köçürülməsini sübut edən “Marağa-150” abidəsi ilə tanış olublar. Bildirilib ki, bu abidə ermənilərin İranın Marağa ərazisindən Qarabağa köçürülmələrinin 150 illiyi münasibətilə 1978-ci ildə onların özləri tərəfindən inşa edilib. XX əsrin sonlarında Ermənistanın Azərbaycana qarşı növbəti ərazi iddiaları başlayanda, “Marağa-150” abidəsi qəsdən dağıdılıb. Prezident İlham Əliyevin tapşırığı ilə bu abidə yenidən bərpa olunub. Daha ətraflı »