Əmək və Əhalinin Sosial Müdafiəsi Nazirliyi tərəfindən Qaradağ rayonunun Lökbatan qəsəbəsində yeni inşa olunmuş yaşayış binalarında təmir etdirilmiş 33 ədəd mənzil Qarabağ müharibəsi veteranları və şəhid ailələrinə təqdim edilib.
Həmin binadakı 3 otaqlı mənzillərdən biri Azərbaycanın Milli Qəhrəmanı, şəhid Elman Hüseynovun ailəsinə təqdim edilib.
Milli Qəhrəmanın oğlu Emin Hüseynov bununla bağlı ailəsi adından Azərbaycan Respublikasının Prezidenti İlham Əliyevə minnətdarlıq edib: “Mən öz adımdan, ailəmiz adından cənab Prezidentə minnətdarlığımı bildirirəm. Ümumiyyətlə, bu işdə əziyyəti, əməyi olan hər kəsə təşəkkür edirəm!”

“Yeni Tərtər”

Tərtər Rayon İcra Hakimiyyəti və Dini Qurumlarla İş üzrə Dövlət Komitəsinin Ağcabədi bölgəsi üzrə şöbəsinin birgə təşkilatçılığı ilə rayon Gənclər Mərkəzində “Şəhadət” sənədli filmi nümayiş etdirilib.
Tədbirdə Tərtər RİH başçısı Aparatının İctimai-siyasi və humanitar məsələlər şöbəsinin müdir müavinidini qurumlarla işin təşkilatçısı Elvin Umudov, DQİDK-nın Ağcabədi bölgəsi üzrə şöbəsinin əməkdaşı Pərviz Eyvazov, Tərtər rayon “Cümə” Məscidi Dini İcmasının sədri Sadiq Cəfərov, ümumtəhsil məktəblərinin müəllim və şagirdləri, eləcə də ictimaiyyət nümayəndələri iştirak ediblər.
Elvin Umudov “Şəhadət” sənədli filmi haqqında danışaraq bildirib ki, film gənc nəslin vətənpərvərlik ruhunda tərbiyə olunmasında böyük əhəmiyyətə malikdir. Daha ətraflı »

Yeni il ərəfəsində rayonumuzun Tarix-Diyarşünaslıq Muzeyində “İtkinlər anılır” adlı tədbir keçirilib. Mərasimdə Tərtərdən və qonşu rayonlardan itkin düşmüş şəxslərin ailə üzvləri, Qarabağ müharibəsi əlilləri, veteranları, şəhid ailələri, ictimaiyyətin nümayəndələri iştirak ediblər.
Əvvəlcə torpaqlarımızın bütövlüyü uğrunda mübarizədə şəhid olanların və itkin düşənlərin xatirəsi bir dəqiqəlik sükutla yad edilib. Sonra muzeyin direktoru Aybəniz Məmmədova ölkəmizdə itkinlərin anılması, axtarışı ilə bağlı həyata keçirilən tədbirlərdən danışıb.
Bu mövzu ilə əlaqədar Beynəlxalq Qızıl Xaç Komitəsinin əməkdaşı Vaqif İsmayılov ətraflı məlumat verib. O bildirib ki, 2009-2011-ci illərdə Beynəlxalq Qızıl Xaç Komitəsi itkinlərlə bağlı geniş proqram həyata keçirib. Bu işə yüzlərlə könüllü cəlb olunub. Onlar itkin düşmüş şəxslərin ailələrinə baş çəkərək, hər biri haqqında ətraflı məlumat toplayıblar. Hazırda işin növbəti mərhələsi davam edir. Daha ətraflı »

“ÖMRÜN MƏTBUATDA KEÇƏN 50 İLİ”

İllərin qovuşuğunda “Yeni Tərtər” qəzeti redaksiyasında maraqlı bir tədbir keçirildi. Bu tədbir məzmun etibarı ilə əvvəlkilərdən bir qədər fərqlənirdi. Buraya kollektivə doğma olan insanlar dəvət olunmuşdular.
“Yeni Tərtər” qəzetinin baş redaktorunun müavini Svetlana Bağırovanın çapdan çıxmış “Ömrün mətbuatda keçən 50 ili” kitabının təqdimatı keçirildi. Kitabda olduğu kimi, tədbirdə də ön sözü həm “Yeni Tərtər” qəzetinin, həm də kitabın redaktoru, şair–publisist Tofiq Yusif söylədi. O, Svetlananın ilk tərtərli qadın jurnalist kimi fəaliyyətindən, ailədəki və cəmiyyətdəki rolundan, istedadlı qələm sahibi olduğundan ətraflı söhbət açdı. Daha ətraflı »

Uşaq gənclər inkişaf mərkəzinin müəllim və şagird kollektivinin iştirakı ilə “Xoş gəlmisən, Yeni il” adlı tədbir keçirildi.
Tədbirin aparıcıları–bədii qiraət dərnəyinin üzvləri İlahə Əkbərova və Fəridə Baxışzadə sözü mərkəzin direktoru Ülviyyə Qənbərovaya verdilər. O, Mərkəzin ötən ildəki fəaliyyətindən danışdı.
Sonra RTŞ-nin metodkabinetinin müdiri İntiqam Nuriyev çıxış etdi.
Uşaqlar Şaxta Babanı səslədilər. Şaxta Baba Qar Qızla səhnəyə gəldi.
Müxtəlif dərnəklərin üzvləri Yeni il haqqında seirlər söylədilər, mahnılar oxudular.
Tədbirdə dərnək rəhbərləri öz ürək sözlərini söylədilər. Şaxta Baba şagirdlərin hər birinə hədiyyələr payladı.

Kənan HÜSEYNZADƏ

Yeni il ərəfəsində rayonumuzun Bayandur kəndində 40 şagird yerlik modul tipli yeni məktəb binası istifadəyə verilib.
Bu məqsədlə keçirilən tədbirdə çıxış edən Tərtər Rayon İcra Hakimiyyətinin başçısı Müstəqim Məmmədov və Təhsil Nazirliyinin şöbə müdiri Aydın Əhmədov müəllim, şagird və valideynləri məktəbin istifadəyə verilməsi münasibətilə təbrik edib, ölkədə və rayonda gedən sosial-iqtisadi inkişafdan, təhsilin tərəqqisinə göstərilən yüksək dövlət qayğısından, təhsil müəssisələrinin maddi-texniki bazasının möhkəmləndirilməsi istiqamətində həyata keçirilən məqsədyönlü tədbirlərdən danışıblar.
Sonra tədbir iştirakçıları məktəbdə yaradılan şəraitlə tanış olublar. Qırx şagird yerlik ibtidai məktəb 5 sinif otağı, 1 müəllimlər otağı və sanitar qovşaqdan ibarətdir.

“Yeni Tərtər”

SON GÖRÜŞ

Azərbaycanın Milli Qəhrəmanı Elman Hüseynov mənim şagirdim olub. V-VIII siniflərdə həm də onun sinif rəhbəri olmuşam. IX sinfi Şuşa internat məktəbində, X sinfi Tərtər şəhərində bitirib. İndiki texniki universitetdə su mühəndisliyi ixtisasını alıb, Tərtərə gəlib. Hərbi təhsilini Gürcüstanda alıb. Uşaqlıqdan hərbçi olmağa çox meyilli idi. Ataları Böyük Vətən müharibəsindən yaralı qayıtmışdı (6 bacı, 2 qardaş idilər). Elman ən kiçiyi idi. Rayonda öz işi ilə yanaşı, bütün ictimai vəzifələri daşıyıb. Uşaqlıqdan boylu-buxunlu, yaraşıqlıydı. Rayonda hərbi rütbəli çox az gənc vardı. Ermənilərin bö-yük Ermənistan yaratmaq iddiaları barədə artıq söz-söhbət gedirdi. Dünyanın hər tərəfindən qovulub İrəvan xanlığına toplanan ermənilər əvvəlcə Zəngəzura sahib çıxdılar. Əlbəttə, Rusiyanın havadarlığı ilə. Yavaş-yavaş İrəvan xanlığının əsl sakinləri olan azərbaycanlıları dədə-baba yurdlarından (1948-1950)-ci illərdə qovdular. 1988-1989-cu illərdə bu vəhşilik təkrar olundu. Bu vaxt Tərtər oğulları ayağa qalxaraq özünümüdafiə batalyonu yaratdılar. Onda Elman baş leytenant idi. 1988-ci ilin 22 sentyabrında texniki peşə məktəbinin binasınıda qərərgah yarandı. Elman da komandir oldu. Kəndimizdə 100-dən çox gənc batalyona könüllü yazıldı. Daha ətraflı »

Şəhidlər dünyadan cavan köçsə də,
Ömründə illəri daşıyanlardı.
Əsrlər dolanıb, zaman keçsə də,
Şəhidlər əbədi yaşayanlardır.
Doğrudan da bu belədir. Şəhidlər cismən ölsələr də, həmişə xalqın qəlbində əbədi olaraq yaşayırlar. Mən Tərtərimin ilk şəhidlərindən biri olan Rafiq Nuriyevdən söz açmaq istəyirəm. Əvvəlcə onun məktəb illərini yada salaq. Müəllimlər Rafiqdən həmişə fəxrlə danışırlar. Mehriban, ağıllı və tərbiyəli bir şagird olduğunu, dərslərindən yaxşı qiymətlər aldığını qeyd edirlər.
Şəhər 6 saylı tam orta məktəbin dil-ədəbiyyat müəllimi Xalidə Quliyeva Rafiqi belə xatırlayır:
–Mən ona 8-ci sinifdən, orta məktəbi qurtarana qədər dərs demişəm. Sakit, tərbiyəli və yaxşı oxuyan şagird kimi yaddaşımda qalıb. Yaxşı inşa yazardı. Bu inşalarda Vətəninə, elinə olan məhəbbəti öz əksini tapardı. İctimai işlərdə, idman yarışlarında fəal iştirak edərdi.
Bu gün məktəbimizin Rafiq Nuriyevin adına olması bir müəllim kimi məni də qürurlandırır. Rafiq bu gün onu sevənlərin qəlbində yaşayır. Daha ətraflı »

Əlyar Surxay oğlu Orucov 1968-ci ildə Tərtər rayonunun Xoruzlu kəndində anadan olmuşdur. Həmin kənddə orta məktəbi bitirmişdir.
İndi də igidliyi haqqında əfsanəyə bənzər həqiqətlər gəzir. Sözün həqiqi mənasında erməni quldurlarına qan udduran bu igid Azərbaycanın Milli Qəhrəmanı Vəzir Orucovun kiçik qardaşı idi.
Qarabağ Müharibəsi başlanandan sona çatanadək ağır döyüşlərdə iştirak edən Əlyar Orucovun özü də qardaşı Vəzir kimi əfsanəvi qəhrəmana çevrilib, adı dillər əzbəri olub.
Vəzirin ölümü onu həddindən çox sarsıtsa da, qardaşının Vətən yolunda şəhid olması ona daxili bir qürur hissi gətirir, onunla fəxr edirdi. Qardaş nisgili, Vəzir kimi bir oğulun itkisi onu köz-köz yandırsa da, həmişə başını dik tutur, məğrur gəzir və ağır dərdini öz iç dünyasında çəkirdi.
Onun erməni separatizminə, erməni vandalizminə, erməni təcavüzünə qarşı qəzəbi, kini günü-gündən artırdı. Daha ətraflı »

81 YAŞLI İBRAHİM DAYI

İbrahim Abdullayev ailədəki 5 qardaş və 2 bacının ən kiçiyi idi. Böyük Vətən müharibəsi başlayanda onun cəmi 5 yaşı vardı. Sadə bir kolxozcu ailəsində böyüyürdü. Atası Mikayıl kişi müharibəyə getdikdən sonra ailə böyüksüz yaşamalı oldu.
O zamanın çətinlikləri təkcə qadınları deyil, azyaşlı uşaqları da kotan çəkməyə, başaq yığmağa və başqa çətin işlərdə çalışmağa vadar edirdi. Evin kişilərinin müharibəyə getməsi ailədəki ağırlığı qadınların və uşaqların üzərinə salmışdı. Ona görə də ehtiyacı olanlar təsərrüfat işlərində var güclə işləyirdi ki, ailəni dolandırsın.
Haqqında söz açdığım İbrahim Abdullayev Tərtər rayonunun Mamırlı kəndində doğulub. Həyatın azını – çoxunu an-layandan zəhmət adamlarının əhatəsində böyüyüb. O zamanın çətinliklərinə baxmayaraq ali təhsil də alıb. Azərbaycan Politexnik İnstitutunun inşaat mühəndisliyi fakültəsini bitirib. Hətta institutda oxuyarkən həm də Mədəniyyət Nazirliyinin nəzdində fəaliyyət göstərən xüsusi elmi bərpa idarəsində iş icraçısının köməkçisi vəzifəsində çalışıb. Daha ətraflı »