Cəbhə bölgəsində yerləşən Tərtər rayonunda əhalinin problemlərinin həllinə diqqətlə yanaşılır. Rayon rəhbərliyi tərəfindən kəndlərdə mütəmadi olaraq görüşlər keçirilir, əhalinin həyat şəraitinin yaxşılaşdırılması, sosial problemlərinin həlli məqsədilə lazımi tədbirlər görülür.
Bu dəfə rayon icra hakimiyyətinin başçısının qəbulu Seydimli kəndində oldu. Tədbirdə kənd sakinlərindən Ələddin Süleymanov və Akif Məmmədov rayonda geniş vüsət alan abadlıq-quruculuq işlərindən, kəndin fasiləsiz elektrik enerjisi, təbii qaz və içməli su ilə təmin olunmasından razılıq hissi ilə danışdılar. Əhaliyə göstərilən diqqət və qayğıya görə respublika Prezidentinə minnətdarlıqlarını ifadə etdilər.
Sakinlərdən Surəyya Hüseynova, Mədinə Rzayeva və Məlahət Hüseynova kəndarası yolların və tibb məntəqəsinin təmirinə, əkin sahələrinin suvarılması üçün yeni subartezian quyusunun qazılmasına ehtiyac olduğunu bildirdilər.
Rayon icra hakimiyyətinin başçısı Müstəqim Məmmədov əhalini narahat edən məsələlərin həlli istiqamətində həyata keçirilən tədbirlər barədə danışdı. Sakinlər tərəfindən edilən müraciətlərin yerinə yetirilməsi üçün müvafiq tapşırıqlar verdi.

“Yeni Tərtər”

Yeni Azərbaycan Partiyası Tərtər Rayon Təşkilatı təhsil şöbəsi ilə birlikdə Yeni Azərbaycan Partiyası yaradılmasının 25-ci ildönümünə həsr olunmuş tədbir keçirib.
Tədbiri giriş sözü ilə açan təhsil işçiləri ərazi ilk partiya təşkilatının sədri İntiqam Nuruyev məruzə ilə çıxış edib.
Sonra çıxışlar oldu. Kəngərli kənd tam orta məktəbinin direktoru İmran Məmmədov, Köçərli kənd tam orta məktəbinin müəllimi Qaragöz Heydərli, Söylən kənd tam orta məktəbinin direktor müavini Təbrizə Əhmədova, Əksipara kənd tam orta məktəbinin müəllimi Dilguşə Aslanova çıxış edərək, Yeni Azərbaycan Partiyasının fəaliyyəti haqqında fikirlərini söylədilər.
Tədbirdə iştirak edən YAP Tərtər Rayon Təşkilatının sədri, Ramiz Şabanov Yeni Azərbaycan Partiyasının yaranma tarixindən, bu sahədə Ulu Öndərin gərgin əməyindən, partiyanın sədri, Prezident İlham Əliyevin təşkilatın böyük bir siyasi qüvvəyə çevrilməsindəki rolundan ətraflı bəhs etdi.

“Yeni Tərtər”

Azərbaycan tarixinin ən mühüm günlərindən biri hər il oktyabrın 18-də qeyd edilir. Bu, Milli Müstəqillik Günüdür.
XX əsrin sonlarında SSRİ-nin dağılması ilə yaranan tarixi şərait nəticəsində Azərbaycan dövlət müstəqilliyini bərpa etdi.
1991-ci il oktyabrın 8-də Azərbaycan Ali Sovetinin növbədənkənar sessiyası 4 gün müzakirələr apardı. Nəhayət, 1991-ci il oktyabrın 18-də Ali Sovetin sessiyasında tarixi sənəd–Dövlət Müstəqilliyi haqqında Konstitusiya aktı qəbul edildi.
Konstitusiya aktında göstərilib ki, müstəqil Azərbaycan dövləti 1918-1920-ci illərdə mövcud olmuş Azərbaycan Xalq Cümhuriyyətinin hüquqi varisidir.
Bu mühüm tarix sənədlə xalqımız uzun illərdən bəri həsrətində olduğu azadlığına qovuşdu, lakin müstəqqillik qazandıqdan iki il sonra xalqımız yenidən onu itirmək təhlükəsi ilə üzləşdi. Daha ətraflı »

Zəngilan rayonu 1993- cü il oktyabr ayının 29- da erməni vandalları tərəfindən işğal olunmuşdur. Zəngilan ərazisi ən qədim insanların yaşayış məskənlərindən hesab olunur. Bölgə ərazisində mövcud olan bir neçə mağara ( Əsgülüm və Süsən dağlarında) bura ibtidai insanların yaşayışından xəbər verir.
Zəngilan rayonu 1930- cu ildə təşkil olunmuşdur. Rayonun sahəsi 707 kvadrat-kilometr, əhalisi isə 39.660 nəfərdir. Rayonda 1 şəhər, 1 şəhər tipli qəsəbə, 1 qəsəbə, 81 kəndi var idi. Mərkəzi Zəngilan şəhəri idi.
XX əsrin sonu Azərbaycan xalqının tarixinə faciələrlə dolu bir dövr kimi yazılıb. Ölkədə mövcud ictimai-siyasi vəziyyət, daxili çəkişmələr, bir-birinə xəyanət edən silahlı birləşmələrin bəd əməlləri torpaqlarımızın itirilməsi ilə nəticələndi. Zəngilan da, digər rayonlarımız kimi, xəyanətin qurbanı oldu, təqvimimizdə daha bir qara günün sayı artdı. Ermənilərin hücumu iyunun 29- da oldu. Bütün yayı Zəngilanın kəndləri və rayon mərkəzi düşmən atəşinə məruz qalmışdı. Oktyabrın 20-də ermənilərin döyüş təyyarələri rayon mərkəzini bombaladı. Daha ətraflı »

Səlcuq imperatorluğunun tənəzzülə uğramasından sonra Səlcuqlar İran və İraq Səlcuq sultanlıqlarına parcalanır. Ayrı-ayrı vilayət hakimləri mərkəzi hakimiyyətə tabe olmaqdan boyun qaçırır, öz ərazilərini müstəqil idarə etməyə başlayırlar. Feodal münasibətləri güclənir. Belə bir vaxtda Azərbaycan Eldənizlər dövlətinin yaranması prosesi baş verir (1136-1225).
Rəvayətə görə bir tacir təsərrüfatında işlətmək üçün Dağıstanın qul bazarından 40 nökər alır. Qaydaya görə, 39-nun pulunu ödəyir, biri isə pay verilir. Bu balaca, cılız, çəlimsiz, çirkin uşaq Eldəniz olur. Dərbənddən İraqa aparılarkən yuxulu Eldəniz arabadan iki dəfə düşür. Ikinci dəfə düşəndə araba karvanı gedir və səhər ayılan bu çəlimsiz uşaq arabanın izilə günbatana yaxın karvana çatır. Karvan sahibi balaca Eldənizin bu fərasətindən heyrətlənir.
Sarayda bütün nökərləri Səlcuq sultanının vəziri Sureyhəmı nəzərdən keçirmiş. Balaca Eldənizdən imtina edir. Eldənizin ağladığını görən vəzir rəhmə gəlib, onu da alır. Gözüaçıqlığı ilə ağasının diqqətini cəlb edən balaca Eldəniz tezliklə öz bacarığı, qorxmazlığı və igidliyi ilə şöhrət qazanır. Daha ətraflı »

Avropa ilə Asiyanın qovuşuğunda yerləşən Azərbaycan həmişə öz gözəl və zəngin təbiəti, xalqının qonaqpərvərliyi ilə müxtəlif millətlərin diqqətini cəlb edib. Karvan yolu ilə bir ölkədən başqasına üz tutan tacirlər bəzən müxtəlif səbəblərdən buranı özlərinə ikinci vətən seçiblər. Müharibə zamanı da öz doğma torpaqlarını tərk etmək məcburiyyətində qalanlar bizim məhsuldar torpaqlarımızda yerləşərək, azərbaycanlılarla çiyin-çiyinə bir ailə kimi yaşayıblar.
Azərbaycana xaricdən birinci güclü axın ötən əsrdə Bakı neftinin çıxarılması ilə başlayıb. Bununla əlaqədar sənayenin yaranması müxtəlif xalqların pullu və ağıllı adamlarını Bakıya gətirib. Neft mədənlərində çalışanların arasında azərbaycanlılarla yanaşı ruslar, yəhudilər, ingilislər, ləzgilər və digər xalqların nümayəndələri vardı.
Ümumiyyətlə, bütün dünyada Bakı həmişə beynəlmiləl şəhər kimi tanınıb.
Nəinki Bakıda, Azərbaycanın hər bir bölgəsində ayrı-ayrı millətlərin nümayəndələri rahat yaşayıb, təhsil alıb, işləyiblər. Çünki dini və milli ayrıseçkilik xalqımıza xas olan cəhətlər deyil. Daha ətraflı »

Azərbaycan sürətlə inkişaf edir, ölkənin bütün regionları ildən-ilə abadlaşır. Prezident İlham Əliyev Gədəbəy rayonundakı çıxışı zamanı deyib: “Biz onu da bilirik ki, Azərbaycan əhalisi hər il 100 min nəfər artır. Yəni, bu, çox gözəl göstəricidir. Bu, onu göstərir ki, ölkəmizdə sürətli inkişaf var. Ancaq inkişaf olan ölkələrdə belə müsbət dinamika var. Çünki, indi bəzi ölkələrdə əhali nəinki artır, azalır. Həm təbii azalma, həm miqrasiya var. Bizdə nə miqrasiya, nə təbii azalma var. Çünki ölkə iqtisadiyyatı sürətlə inkişaf edir, iş yerləri açılır, insanlar üçün gözəl şərait yaradılır. Rayon statistika idarəsinin verdiyi məlumata görə 1 yanvar 2017-ci il tarixə Tərtər rayonunun ümumi əhalisinin sayı 103 min 227 nəfərdir. Bunlardan 51 min 86 nəfəri kişi, 51 min 141 nəfəri qadındır. Şəhər əhalisinin sayı 30 min 167 nəfər, kənd əhalisinin sayı 73 min 60 nəfərdir. Daha ətraflı »

Kənd haqqında bəzi məlumatlar

Bəyimsarov kəndi rayonumuzun ən iri yaşayış məntəqələrindən biridi. Ərazisi 2929 hektar, əhalisinin sayı 4396 nəfərdir. Onların 2990 nəfəri Qərbi Azərbaycandan gələn məcburi köçkünlər, 1350 nəfəri isə Azərbaycanın 7 rayonundan olan məcburi köçkün soydaşlarımızdır.
Kəndin əkinəyararlı torpaq sahəsi 1950 hektardır. Həmin sahələrin 265 hektarında pambıq, 51 hektarında şəkər çuğunduru, 100 hektarında arpa, 360 hektarında yonca, 285 hektarında günəbaxan əkilib becərilir.
Həmin gün kənd icra nümayəndəsi Surxay Hüseynovla və kənd bələdiyyəsinin sədri Aqil Şərifovla görüşdük.
Öyrəndik ki, burada torpağa bağlı insanlar əkib-becərdikləri kənd təsərrüfatı bitkilərinə qayğı ilə qulluq etdikləri üçün məhsuldarlıq xeyli yüksək olub. Bu da əsasən onun müqabilində hasilə gəlib ki, kəndin ərazsində 33 ədəd subartezian
quyusu mütəmadi olaraq işləyir. Daha ətraflı »

Tərtər rayonunda pambıq tədarükü davam edir.
Azərbaycan Respublikasının Prezidenti İlham Əliyevin pambıqçılığın inkişaf etdirilməsi ilə bağlı verdiyi tapşırıq və tövsiyələrə uyğun olaraq rayonun təsərrüfatlarında “ağ qızıl” sahələri genişlənmiş və bol məhsul hasilə gətirilmişdir. Belə ki, bu il rayonun 31 inzibati ərazi dairəsində 3011 hektar, kənd təsərrüfatı müəssisələri üzrə isə 112 hektar, rayon üzrə cəmi 3123 hektar sahədə pambıq əkilmişdir ki, bu da əvvəlki ildəkindən 3 dəfə çoxdur.
Ən çox pambıq əkən Yuxarı Qapanlı (485 hektar), Qaynaq (306,5 hektar), Azadqaraqoyunlu (230 hektar) və Bəyimsarov (265 hektar) İnzibati Ərazi dairələridir.
17 oktyabr 2017-ci il tarixə kimi sahələrdən 3715,4 ton “ağ qızıl” yığılmışdır ki, bu da keçən ilin müvafiq dövrünə nisbətən 3 dəfə çoxdur.

Tərtər Rayon
Statistika İdarəsi

ELEKTRİK ENERJİSİZ MƏİŞƏTİMİZ YOXDUR

Azərbaycan Respublikası Prezidenti İlham Əliyevin 2004-cü il 13 oktyabr tarixli Sərəncamına əsasən hər il oktyabrın 20-si Energetiklər Günü kimi qeyd olunur, İqtisadiyyatın hər bir sahəsində olduğu kimi, elektroenergetika sektorunda da Azərbaycan uğurlar qazanıb.
Prezident İlham Əliyevin şəxsi təşəbbüsü və rəhbərliyi ilə Azərbaycan iqtisadiyyatının hərəkətverici qüvvəsi olan elektrik enerjisi sistemində də böyük nailiyyətlər əldə olunmuşdur.
Regionların iqtisadiyyatının inkişafında həyata keçirilən dövlət proqramları Tərtərimizdə də özünü bariz şəkildə göstərir. Rayon əhalisinin yaşayışının normal təminatı üçün məqsədyönlü işlər görülməkdədir. Rayonun gecəsi də gündüzü kimi cıraqban olub, Əvvəllər elektrik enerjisi fasilələrlə verilirdi və bu da müəyyən problemlərin yaranmasına səbəb olurdu. Bu problemlərin aradan qaldırılması üçün rayon elektrik şəbəkəsi kollektivinin üzərinə böyük məsuliyyət düşür. Bu kollektivin üzrü – istismar üzrə aparıcı mühəndis Rauf Quluyev bəzi sorğularımıza aydınlıq gətirdi. Daha ətraflı »