14 iyun 2017-ci il Azərbaycan tarixinə ən yaddaqalan günlərdən biri kimi daxil oldu. Bu gün işğaldan azad edilmiş torpaqlarımıza Böyük Qayıdışın başlanğıcı oldu.
Hər qarışı əsgərlərimizin qanına boyanmış bu yerlərdə çox qısa müddətdə – cəmi iki ay ərzində Azərbaycan xalqının qüruruna çevrilən müasir bir kənd salındı.
Ölkə Prezidentinin Cocuq Mərcanlını böyük Azərbaycanın inkişaf və müasirlik rəmzinə çevrilməsi tələbi məsuliyyət hissi ilə və ən yüksək səviyyədə həyata keçirildi.
Cocuq Mərcanlı kəndi 1994-cü il yanvarın 6-da Ulu Öndər Heydər Əliyevin rəhbərliyi ilə aparılan uğurlu Horadiz əməliyyatı zamanı işğaldan azad edilmişdi. Lakin burada əhalinin təhlükəsiz yaşayışı mümkün deyildi. Çünki yaxınlıqda olan strateji əhəmiyyətli Lələtəpə yüksəkliyi işğal altında qalmışdı. Daha ətraflı »

AZƏRBAYCAN GÜCLÜ DÖVLƏTDİR VƏ ONUN GÜCLÜ ORDUSU VAR

1918-ci ilin 28 may tarixində Azərbaycan Demokratik Respublikası elan olunanda Azərbaycanda milli ordu yox idi. Azərbaycan Demokratik Respublikası hökumətinin qərarı ilə 1918-ci il iyunun 26-da ilk hərbi hissə – əlahiddə korpus yarandı. Az bir vaxt ərzində Azərbaycanda milli ordu quruculuğunda əsaslı nəticələr əldə olundu.
Xalqımızın Ümummilli Lideri Heydər Əliyevin 1998-ci il 22 may tarixində imzaladığı fərmanla 1918-ci ildə – Azərbaycan Demokratik Respublikası dövründə general Səməd bəy Mehmandarovun rəhbərliyi ilə ilk əlahiddə Azərbaycan korpusunun yaradıldığı gün – 26 iyun Azərbaycan Respublikasının Silahlı Qüvvələr Günü elan edildi.
Hazırda Azərbaycan Ordusu Cənubi Qafqazda ən güclü və hazırlıqlı ordu hesab olunur.
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev Silahlı Qüvvələrin yaradılmasının 95 illiyi münasibətilə Bakının Azadlıq Meydanında keçirilən hərbi paradda çıxışı zamanı bildirmişdir: Daha ətraflı »

HAMI XOŞ TƏƏSSÜRATLA AYRILDI

Tərtər Rayon İcra Hakimiyyətinin başçısı Müstəqim Məmmədovun növbəti səyyar görüşqəbulu Evoğlu kəndində keçirildi. Tədbirdə rayon icra hakimiyyəti aparatının işçiləri, hüquq-mühafizə orqanlarının, idarə, müəssisə rəhbərləri, kənd sakinləri iştirak etdilər.
Tədbiri icra başçısı Müstəqim Məmmədov açdı. Sonra Evoğlu kənd İƏD üzrə nümayəndə Elçin Mahmudov ərazi haqqında məlumat verdi.
Ölkə Prezidenti İlham Əliyevin tapşırığına əsasən qeyri neft sektorunun inkişaf etdirilməsi Evoğlu kəndinin camaatında da böyük ruh yüksəkliyi yaradıb. Elə buna görə də əvvəlki illərdən fərqli olaraq pambıq, taxıl, şəkər çuğunduru və digər kənd təsərrüfatı bitkilərinin əkin sahələri xeyli genişləndirilib. Həmin sahələrdə becərmə, suvarma işləri keyfiyyətli aparıldığı üçün yüksək məhsul gözlənilir. Daha ətraflı »

Dövlət qulluqçularının peşə bayramı münasibəti ilə Tərtər rayonunda tədbir keçirildi. Əvvəlcə rayonun dövlət qulluqçuları Ulu Öndərin abidəsi önünə gül-çiçək dəstələri qoydular, onun xatirəsini ehtiramla yad etdilər.
Tədbirdə rayon icra hakimiyyətinin başçısı Müstəqim Məmmədov dövlət qulluqçularını bayram münasibəti ilə təbrik etdi. Bildirdi ki, 23 iyun dövlət qulluqçularının peçə bayramı möhtərəm Prezidentimiz cənab İlham Əliyevin 2006-cı il 25 may tarixli sərəncamı ilə təsis edilib. Daha ətraflı »

Qarabağ Regional Bilik Evi Tərtər Rayon Təhsil Şöbəsi ilə birgə “Sağlam gələcək naminə narkomaniyaya yox deyək!” mövzusunda tədbir keçirib Tədbirdə rayon icra hakimiyyəti aparatında hüquq şöbəsinin əməkdaşı Çingiz İsayev, polis şöbəsinin yetkinlik yaşına çatmayanlarla profilaktiki işin təşkili qrupunun baş inspektoru Ceyhun Əliyev, məktəb direktorları, psixoloqları, təlim-tərbiyə işləri üzrə direktor müavinləri və təşkilatçı müavinlər, uşaq birliklə-rinin rəhbərləri iştirak ediblər.
Müasir dövrdə hamını narahat edən məsələ–narkomaniya və onun fəsadları barədə rayon təhsil şöbəsinin müdiri Surxay Mirzəyev məruzə edib.
Ekoloji tərbiyə və təcrübəçilik mərkəzinin qrup rəhbəri Nigar Məstəlizadə, Qarabağ Regional Bilik Evinin direktoru Gülarə Əkbərova, aparıcı mütəxəssisi İradə Əkbərli, Umudlu kənd tam orta məktəbinin müəllimi Şəhla Musayeva, Yuxarı Sarıcalı kənd tam orta məktəbinin direktoru Yaşar Məhərrəmov tədbirdə çıxış edərək bu sahədə hər kəsi üzərinə düşən vəzifəni yerinə yetirməyə çağırıblar. Qeyd edilib ki, gənclər arasında maarifləndirmə işlərini genişləndirməklə biz narkomaniyanın qurbanlarının sayını azalda bilərik.

“Yeni Tərtər”

SƏHİYYƏ İŞÇİLƏRİNİN BİR QRUPU
MÜKAFATLANDIRILDI

Tərtərdə fəaliyyət göstərən rayon mərkəzi, Azadqaraqoyunlu, Bəyimsarov kənd xəstəxanalarında, habelə 14 həkim və 22 kənd tibb məntəqəsində hazırda 106 nəfər həkim, 365 nəfər orta tibb işçisi sakinlərə səhiyyə xidməti göstərir. Rayonda səhiyyə obyektlərinin maddi-texniki bazasının möhkəmləndirilməsi, ixtisaslı kadrlarla, müasir tibbi avadanlıqlarla təminatı istiqamətində ardıcıl tədbirlər görülür. Son illərdə rayon mərkəzi xəstəxanasının və poliklinikanın, Bəyimsarov kənd xəstəxanasının və Qazyan kənd həkim məntəqəsinin binaları əsaslı təmir edilib, cəbhə xəttində yerləşən Qapanlı kəndində yeni həkim məntəqəsi inşa olunub.
Bu faktlar tibb işçilərinin peşə bayramına həsr olunan mərasimdə səsləndirilib.
Səhiyyə işçiləri əvvəlcə Tərtər şəhərinin mərkəzi meydanında Ümummilli Lider Heydər Əliyevin abidəsini ziyarət edərək, önünə çiçəklər qoyub, dahi rəhbərə ehtiramlarını bildiriblər. Daha ətraflı »

YURD HƏSRƏTİNƏ SON QOYULACAQ

Doğma Cəbrayıldan uzaq düşdüyüm bu illər ərzində hələ indiki qədər sevindiyim olmamışdı. Mən deyərdim ki, bu hissi indi hər bir azərbaycanlı keçirir. İnanırıq ki, Cocuq Mərcanlıdan başlayan Böyük Qayıdış tezliklə bütün soydaşlarımızın yurd həsrətinə son qoyacaq.
Prezident İlham Əliyevin Sərəncamı əsasında xarabalıqlardan dünyanın ən müasir və abad kəndinə çevrilən Cocuq Mərcanlıya indi bütün dünya heyrətlə baxır.
Görülən bütün bu işlərə, həmçinin məcburi köçkün və qaçqınlara göstərdiyi sonsuz diqqət və qayğıya görə Azərbaycan Respublikasının Prezidenti İlham Əliyevə dərin minnətdarlığımızı bildiririk.
Bu günlərdə ailəmlə birlikdə Cocuq Mərcanlı kəndinin ziyarətinə gedəcəyik. Bu ziyarət uzun illərin yurd həsrətinə son qoyacaq.

Mübariz Mahmudov,
mərkəzi rayon xəstəxanasının həkimi,
Cəbrayıldan olan məcburi köçkün

Ölkə Prezidenti İlham Əliyevin sərəncamı ilə Tərtər rayonunun ərazisində son günlər 15 yeni subartezian quyusu qazılaraq, əkinçiliklə məşğul olan fermerlərin istifadəsinə verilib. Həmin quyuların ikisi bizim Azadqaraqoyunlu kəndinin ərazisində yerləşir. Əvvəllər bu sahələrdə su olmadığına görə əkin-biçinlə məşğul olmaq mümkün deyildi. Torpaqlar istifadəsiz qalırdı.
Artezianların hər ikisi “dördyol–2” deyilən ərazidə–yeni qəsəbənin yaxınlığında vurulub. Həmin yerdə mən bu il ailəmlə birlikdə 20 hektar pambıq, 5 hektar yonca əkib becərirəm. Məndən başqa bu artezianların suyundan istifadə etməklə fermer Həsən Əhmədov 2 hektarda pambıq, Tacir Məmmədov isə 10 hektar sahədə şəkər çuğunduru əkiblər. Biz yeni subartezian quyularının suyundan səmərəli istifadə edir, ailə büdcəmizə daha çox gəlir gətiririk.
Bütün bunlara görə mən öz adımdan və hər bir həmkəndlim adından, hörmətli Prezidentimiz İlham Əliyevə dərin minnətdarlığımı bildirirəm.

Ziyyədin Hüseynov,
Azadqaraqoyunlu kəndində fermer

Azərbaycan Respublikası Prezidentinin tapşırığına əsasən Bakı şəhərində yaşayan əhalinin kənd təsərrüfatı məhsullarına olan tələbatını ödəmək məqsədi ilə hər həftənin şənbə, bazar və bayram günlərində paytaxtın ayrı-ayrı rayonlarında satış yarmarkaları təşkil edilir. Bu yarmarkalarda Tərtər rayonunun fermerləri də yaxından iştirak edirlər. İstehsal etdikləri müxtəlif çeşidli məhsullar paytaxt yarmarkalarında həvəslə alınır. Rayonumuzdan Bakı şəhərinə aparılan müxtəlif məhsullar əsasən paytaxtın Nəriman Nərimanov və Binəqədi rayonlarının ərazilərində ayrılmış xüsusi yarmarkalarda satılır.
Bu ilin 5 ayı ərizində bu yarmarkalarda rayonumuzun fermerləri tərəfindən 68 ton meyvə-tərəvəz, 32 min dəstə göygöyərti, 8,3 ton ət məhsulları, 4 min ədəd təzə kənd yumurtası, 6500 ədəd müxtəlif növ calaq meyvə tingləri satılmışdır. Daha ətraflı »

COCUQ MƏRCANLIDAN BAŞLAYAN BÖYÜK QAYIDIŞ YURD HƏSRƏTİNƏ SON QOYACAQ

ULU ÖNDƏRİN ƏN ÇOX DİQQƏT GÖSTƏRDİYİ MƏSƏLƏ
Ermənistan silahlı qüvvələrinin Azərbaycan torpaqlarını işğal etməsi nəticəsində öz ata-baba yurdlarından didərgin düşmüş soydaşlarımızın qayğıları Ümummilli Lider Heydər Əliyevin ən çox diqqət göstərdiyi məsələlərdən biri olmuşdur. Onların problemlərinin həlli ilə bağlı həyata keçirilən ilk tədbirlər, hazırlanan Proqramlar Ulu Öndərin gərgin əməyinin nəticəsidir. Xarici səfərləri zamanı o, qaçqın və məcburi köçkünlərin vəziyyətinin dünya ictimaiyyətinə çatdırılmasına çalışırdı.
Bu təbəqədən olan insanlara qayğı və diqqət göstərilməsi Heydər Əliyev siyasətinin layiqli davamçısı, Azərbaycan Respublikasının Prezidenti İlham Əliyevin fəaliyyətinin mühüm istiqamətini təşkil edir. Təsadüfi deyil ki, cənab İlham Əliyev 2013-cü il oktyabrın 1-də prezident seçkiləri ərəfəsində ilk görüşünü Biləsuvar rayonu ərazisində məcburi köçkünlər üçün salınmış yeni qəsəbələrdə keçirərkən ölkədə bir dənə də olsun çadır düşərgəsinin qalmayacağını bəyan etmiş və vədini 2017-ci ilin sonunda, vaxtından bir il əvvəl yerinə yetirmişdir
Azərbaycanın Birinci vitse-prezidenti Mehriban Əliyeva da bu vəzifəyə təyin ediləndən sonra ilk müşavirəsini məhz məcburi köçkünlərin problemlərinə həsr edib və bundan dərhal sonra isə məcburi köçkünlər üçün yeni yaşayış kompleksinin təməlini qoyub. Daha ətraflı »